assignment 2~temuramah bersama responden..

TEMURAMAH BERSAMA RESPONDEN

NAMA RESPONDEN : KASEMA BINTI HAMAT

UMUR : 52 TAHUN

TEMPAT : FELDA JENGKA 20

PEKERJAAN : PENEROKAWATI

HUBUNGAN : IBU

TEMPAT YANG DI CERITAKAN : KELANTAN; BUKIT TAJAU, MARAN  

                                                           PAHANG;FELDA JENGKA, PAHANG.

Dilahirkan pada 14 November 1960 di Kampong Pangkal Nangka, Pulai Chondong, Kelantan. Besa pon di situ. Pastu, sekolah di Sekolah Kebangsaan Bandar. Errr, kire perjalanan nak gi sekolah tu jalan kaki je, jalan kaki jauh jarak rumah ke sekolah, jauh la. Dalam 3 batu. 3 batu bape kilometer? Dalam 2 km. ha, gitu a.sebab nye  kiro a, mula2 turun rumah, masuk kebun getah, pastu sawah padi, pastu masuk kebun getah balik, baru jupo jale, kebun getah tu luas a. baru jumpe jalan, lepas jalan tu baru jumpe sekolah. 2 oghe lah ngan long gi sekoloh. Errr, kalau musim hujan, musim banjir, sekoloh die naik perahu, gi, takleh tak gi, sebab sekoloh tu tidok kawasan rendah, kawasan tinggi. Pernoh gi sekoloh naik perahu, dekat sebelum sampai ke sekoloh a berenti, tidok ramai2 la, due oghe je la, 2 beradik jek. Perahu tokwe la, tokwe anta. Pernoh naik perahu gi sekoloh. Pastu kalau rumah dia pulok, rumoh dia atap nipoh, dinding dia buluh. Buluh tu dia buat macam bentuk kelara gitu, bentuk macam tikar, dia anyam tu macam tikar tapi buluh. Sebatang buluh tu dia beloh, dia beloh2 dua, dia buat bagi leper tu, pastu dia anyam la macam dia anyam tikar tu. Haa, tu a. kalau dulu sekoloh, baju sekoloh, setaon tu, due tige taon tu selai tu la baju nyo. Meme susoh la. Kain baju hari2 ni pon, takdo baju la, meme so duo jo baju, meme susoh. We kijo dio errr pagi noreh, petang errr sawah padi. Ha, tu la kijo dio. Tok punyo sawoh la. Gaji kalau noreh tu buleh la dale sebule tu, bapo eh sebule? Dale.. tak tau nok kato la sebab tok pernoh pon tokwe tengok bawok balik duit banyok2, sekadar cukup make ja. Make buleh sebab nyo beras tak beli, ike tok beli, beras hasil hok tane padi tu, ike ike sungai jah make. Kironyo ha, tak make ike laut, jare2 sekali tu ado la. Duit gaji, tu la katonyo duit gaji tak tau bapo sen dapat nyo. Buleh la buat beli budu, kicap, bende lain meme tok beli la. Ho lah, atas rumoh we dulu takdo gapo satu, ado radio jah sebutir. Rumoh kecik jo, rumoh lebih kure ni, rumoh kito takat nih, pastu ado dapo, tu jek lah, pastu takdok doh. Buleh lah luas ni, 4 segi ni haa. Ha, mace petak kito nih. Tu jek la. Bapo kaki? Tu jek la rumoh. Meme tokwe kijo dio tane padi, noreh getoh, we pon gitu jugok. Buleh a limo nem puluh sebule duit. Sebab takdok beli gapo pon. Kain baju pon tokden nok beli. Setaon sekali jah. Pastu tokwe ado la pero keba. Tige ekor, pat ekor tu ado lah. Keba buat bajak sawoh. Tokden jual po tigo pat ekor. Tu lah kijo.Mari pahe tahun 70, pindoh tu,err  jual keba tu tapi sampai sekarang duit tak dapat. Tokwe seroh abe dio jago, abe dio kato, takpolah mat, mu gi pon tok kelik doh, bio aku baya ah, takpo jugak tokwe kato, dio buwi lah duit ko tokwe maso tu seratos kot.doh kiro nyo lebih lagi tapi sapa sekarang tok bagi duit. Hah, dio bagi seratus tu, raso nyo lebih kure gitu lah. Pastu isi lah minyok keto, minyak keto anok sedaro dio buat mari sini.anok sedaro tokwe mari anta sini. Mari anta pahe ni. Tolok daripado lepas subuh dekat maghrib baru sapa. Ha, punyo jauh perjalane tu. Naek keto ah, keto wolkswagen. We pindoh mari sini tu, bawok nyo, takdo gapo satu, bantal sore so, pinggan sore so. Pastu kain baju ado la dale sebeg kot. Ngan kito nok balik bukit tajau tu banyok kito lagi lah bawak balik baju banding nok pindah dari kelate nok mari pahe nih. Ore kato, pindoh pahe nih nok uboh nasib lah daripado hok susoh sangat tu masuk felda. Kan felda dia bagi tanoh sepuloh ekar, bagi rumah sebuah, tu lah tujuan tokwe nyo sebab dok kampong susoh sangat. Pastu kironyo mari dok pahe nih senang sikit lah. Rumah pon dah siap, getoh pon tanam doh mase tu. Tapi dok felda pon, yelah, maso hari tu, jalan pon takde jalan tar lagi, jalan tanoh meroh jah. Tokwe sebelom noreh hari tu kijo mace ni la, amek upoh a, tanam sawit jengka 5 ni, tok kiro a, kijo kontrak, meracun ko bajo ko, tok kiro a, we pon kijo gitu gok, we cabut hok dale lade getoh tu kat bukit tajau je la, we cabut lalang ko, hok tumbuh tu, pakai cabut lalang, pastu we gi kijo nek gapo, nek trektar. Trektar ambik. Himpun kat pejabat tu, trektar bawak la gi lade. Pastu gapo lagi nok tau, kat sini, sekoloh kebangsaan felda bukit tajau la. Pada dajah 4 sampai dajah 6 gitu. Sebab mase kat kelate tu pada dajah 1 sampai dajah 4 kn. Tahun 70, 72 abih la kan dajah 6. Tahun 73 masok tingkatan 1 sekolah menengah kebangsaan maran,sekoloh kat  maran lah. Maso tu dudok asrama. Maso tingkatan 1 sapa tingkatan 3. Pastu tingkatan 4 berulang pulok. Sapa spm. Lepas spm tok sekoloh lah. Sebab adik-adik pulak nak sekoloh nih. Kijo pon tok leh. We tok buwi kijo, ngasoh adik. We jek lah kijo. Maso tu, maso mok sekoloh tingkatan 1 tu getoh doh noreh doh. Baru bukak macam getoh hok mok dok noreh sini lah. Buleh lah. Ado lah duit sebab sebulan tu we buleh la bagi duit belanje 10 ya, bukan semiggu. Pastu maso mok sekoloh tingkatan 3 tu baru dapat biasiswa, biasiswa negeri Pahang. Rm 120 raso nyo setahun. Bayar duit asrama lah duit tu, 10 ya sebulan. Tok den nok guno lah. Kiro we tok buwi lah duit yuran. Bayar duit asrama jek 10 ya sebulan. Duit belanje 10 ya we buwi. Kijo kat kedai runcit jah. Gaji 120 jah sebulan. Duit gaji tu la nok beli gapo pon. We tok bagi doh la duit. We tok beli doh la kain baju pon. Beli sendiri. Kijo dekat kedai cik ghani tu jah. Tokleh gi jaoh. Maso rehat tengahhari kelik masak, adik nok gi sekoloh. Icik ngan su tu sekoloh. Sore sekoloh pagi, sore sekoloh petang. Nok gi sekoloh pon punyolah susoh. Holah, meme susoh la. Pagi hantar adik dulu, pastu baru gi sekoloh. Gi sekoloh pon, bukan buleh belaja sangat pon. Dulu takpo tok belaja sangat pon. Dok tunggu adik2 tokse dok dale kelas. Tunggu. Kironyo mok lepas spm umo 17 kan? 18, 19, 20, umo 21 tu kawen. Kawen 21, 22 lahir kat yi. 22 pindoh sini, pindoh ke jengka. Pindoh sini pon getoh doh besa la. Besa taok besa sangat la. Dale 3 tahun gitu kot umo. Dok sini pon kijo kontrak dulu lah. Tokleh noreh lagi. Kontrak supo indon la. Ngacun ko bajo ko. Abah tok kijo lade sini, 14, 15, kiro kijo luar lah. Kontrak kijo luar. Doh nok carik duit lebih sikit. Sini, bangun pagi gi rokal, lepas rokal tu takpolah tok masok lade pon, sebab lade ore lain yang buat. Dio doh ado buroh sendiri kan. Kironyo kito carik la kijo lain. Nok tamboh. Maso masok sini dapat la saro hidop 150 sebulan. 150 tu, dio bagi saro hidop, kito amek bare kantin, dio tolak lah balik kantin tu. Buleh lah 20, 30 ya sebulan kalau kito ambik barang kantin tu banyok gak. Dio tolak terus. Macam kito ambik bulan lepas dio tolak bulan ni, ambik bulan ni, dio tolak bulan depan. Maso dok sini tu, maso mulo2 mari takdo jale tar pon lagi. Air paip ado doh, letrik takdo. Letrik kongsi la ramai2 pakai generator. Dio tarik pakai buluh jah ikot dale hutan nuh. Sebelum masok letrik tu pakai pelito. Kat pejabat pon takdo kipas takdo gapo. Guno angin lua ni jah. Bukan supo zaman loni. Ngan kipas ngan gapo. Kalau dapur pulok dapur kayu. Kito masok sini tahun berapo doh baru masuk letrik eh? Maso tu kito doh noreh doh maso masok letrik tu. Ngoh lahir 87, 85 la masok letrik. Ingat lagi maso ngoh kecik dulu, tv letok bucu nih, tv pakai bateri lagi waktu tu. Bateri keto, pakai kacip lagu tu la macam kacip wayar bateri keto tu. Sambong ko bateri tu pastu sambung wayar tu ko tv. Tar maso umo kakcik 5, 6 tahun la baru masuk. Tapi maso dudok daripado kelate tu pindoh ke pahe tu sene doh la sikit. Pastu dari bukit tajau ke jengka nih lagi lah senang nye sikit. Rasonyo la. Dengan mari dok jengka nih, serba serbi ado doh. Mulo mari jengka nih pon, muto ado doh, Honda cup ja. Plat CE 44. Muto pulok tiap2 minggu punoh. Lailahaillallah. Muto YB tu yi doh umo setahun, dua tahun doh umor baru ado. Dulu gak mulo2 basikal, pas basikal muto. Pi abah takdolah basikal, pi muto burok jek lah ekpon. Tok bawok gi mano, bawok gi kijo lade 14 tu buleh la. Kalau balik rumoh we, 5, 6 bulan sekali baru balik. Tu pon kalau ado ore ambik. Kalau tok balik naik bas. Kalau dari sini naik bas, abah hantar la naik muto burok tu lah. Hantar sampai simpang kilang alps tu. Situ lah tunggu bas. Samo betul depan ngan kilang alps tu, kat padang tu ado buat tempat kapal terbang bajo. Kalau ore dekat2 situ, 14, 15 tabur bajo ngan kapal terbang jah la. Tok tabor bajo gini. Kapal terbang kecik jo la. Bukan besa gini. Bajo macam racun2 serangga dio tabor ikot atas gini la. Bandar pusat nyo kedai dua baris tu jek lah dulu. Dekat rantau perintis tu. Dulu sawmill jek Bandar pusat tu. Bandar pusat tu takdo lagi dulu. Hutan jah. Dulu situ lah, klinik dr zali so, pastu dr syed so. Ha, tu jek la bangunan. Pastu kalau klinik kesihatan dio kat pasa borong tu. Kiro nyo Bandar pusat loni ni demo nih doh besa baru ado pembangunan. Macam hospital tu pulok lagi lah baru nyo. Hospital Jengka. Maso demo nih sekoloh menengoh tu naik bas doh la. Tok dudok asrama, doh ado bas doh. Sekoloh lamo kawasan nih. Sekoloh Jengka 2, Kampong Awah. Zaman 60-an doh ado doh. Sekoloh rendoh la. Sekoloh menengoh pon baru lagi. Mari sini hari tu ado doh la kemudahan, sekoloh, klinik sumo. Kiro mudoh doh la sikit. Dari Bukit Tajau ngan Jengka senang Jengka lagi lah kemudahan dio. Serbo serbi ado doh la. Kiro nyo tu. Maso dudok Bukit Tajau dulu, kalau sakit gapo pon susoh jugok. Hospital dio nun Mentakab nuh, tempat mu lahir tu. Hospital Maran tu baru jah lagi nyo. Ingat tokwe dulu maso baru pindoh sini tu, arwah abe pa ado pakai keto burok, keto wolkswagen tu. Anta denuh keno masok wad pulok. We maso tu anok kecik lagi. Takdo sapo tunggu. Last2 tokwe dio tok sedar, tokwe dulu mudoh masok hantu, lari. Misi bilo doh mari tengok pesakit takdo, dio tutop lah tilam tu. Tokwe jale kaki gi ko stesen keto api tu. Kat mentakab tu, turon ikot bawoh bukit tu. Pastu tok tau macam mano, tibo2, bapo hari pihok hospital nuh anta laporan ke pejabat, pesakit ni, tanyo samo ado ado balik ke tidok, takdo kelik, di hospital takdo. Nok gi cari mano. Lamo2 dio kelik sendiri, sapa kelik. Tok tahu dio naik gapo. Tokwe dio jenis masok hantu kuat dulu. Ilmu banyok. Loni buang doh sejok nok gi mekah dulu. Dulu ore kijo masok hutan, keluar hutan, tok belaja ilnu gitu gak, tok kelik jawabnyo. Doh tokwe sekali masuk hutan, seminggu baru kelik. Cari makan la maso susoh dulu. Maso kelate dulu. Cari buah2 gapo, buat kelik buwi anok2 makan la. Ikut la musim buoh gapo ado. Ibarat ore asli lah. Masok hutan ramai2 la, 5, 6 ore. Bilo masok hutan tu, kan ado balok besa, kan akar dio melengkung2, ho tido situ ja la. Meme tokleh bezo lah kalau perbezaan dulu ngan loni. Meme jaoh la. Dok sini buleh katokan semuo kemudahan ado lah. Cumo tak banglo, apartmen takdo la. Takat rumoh tu seleso la. Kalau macam bandar2 tu dale 10 tahun ado doh. Meme bezo la dari dok bukit tajau dulu, mulo basikal, pastu muto, doh sekoloh menengoh tu ado la tv hitam putih. Maso kito dok sini doh pon tv hitam putih lagi. Kiro tv kalar ni baru lagi la. Kalau dulu musim hujan, selut pai lutut la kalau nak gi sekoloh. Kalau kemarau pulok jerlus lah kaki dale tanah merekoh tu. Lalu ikot sawoh jah. Besa tok besa, dok hujung sini, nampok kecik jah ore hujung sano. Kalau padi tu untok make jah. Takdo jual2 pon. Sekali setahun jah tanam padi. Bukan po loni. 2x setahun. Padi dulu nok buleh ko tumboh pon sekian hal, pastu bapo lamo buoh nok buleh ko masok, pastu banjir pulok. Dulu kalau banjir, besa2, sebab dio takdo po loni kan, takdo tali air gapo sumo. Dulu kalau banjir gak sebulan, air kalau bertakung tu dua minggu tak surut lagi. Sebab tu tanam sekali setahun jah. Kiro nyo nok sampai musim banjir tu padi doh siap ambik sumo goh. Sumo wat sendiri. Bajok guno kebau. Ore dulu kreatif, bukan po loni. Buat beras tumbok, jemur kering dulu, tumbok. Lesung tangan, lesung kaki. Beras kalau dulu gak hancur. Bukan takat 50%. 80 % hancur nya. Meme tak makan la kalau ore loni. Meme susoh lah dulu. Susoh se susoh2. Daripada dok kelate pakai dapor kayu, pindah bukit tajau dapur kayu jugak, mari sini baru lah buleh dapur minyak. Takdo doh loni, tok simpan, lau tak buleh tunjok. Dapur gas pon kecik kat ngoh baru pakai dapur gas. Supo loni senang doh. Api, air. Kito pon ado keto, muto nok gi mano2 pon. Dekat doh bandar. Ado kemudahan sumo. Tu jek lah.